Foto: NCOC kompanııasy baspasóz qyzmeti
NCOC kompanııasynyń basqarýshy dırektory laýazymyn 2021 jylǵy maýsymnan beri Olıve Lazar atqaryp keldi. Endi ony aldaǵy naýryz aıynda Djankarlo Rýıý almastyrady.
«Djankarlo Rýıý Qazaqstanda jáne sheteldik kompanııalarda munaı men gaz ken oryndaryn basqarý strategııasy boıynsha mol tájirıbe jınaqtaǵan. Osy qyzmetke deıin óndiristiń, ken oryndaryn barlaýdyń, ıgerýdiń, paıdalanýdyń, sondaı-aq bıznesti damytýdyń tolyq barysyn qamtıtyn jaýapty laýazymdardy atqarǵan. Osy kezge deıin «Qarashyǵanaq Petroleým Opereıtıng B.V.» kompanııasynyń bas dırektory laýazymyn atqaryp keledi. Munyń aldynda Abý-Dabıde Eni/ADNOC birlesken kásipornynyń qurlyqtaǵy baǵdarlamasyn basqardy. Ganada Eni kompanııasynyń basqarýshy dırektory, Qashaǵan ken ornyn ıgerýdiń I kezeńiniń dırektory boldy», dep habarlady kompanııanyń baspasóz qyzmeti.
